ઈશ્વરની કૃપા થકી બધું શક્ય છે

લખી શકું છું ઈશ્વરની પ્રકૃતિને શબ્દોમાં,

બસ ઈશ્વરની કૃપા થકી જ લખી શકાય છે,

બોલી શકું છું હું લાખોની મેદનીમાં પણ,

બસ ઈશ્વર કૃપાથી જ સઘળું થાય છે,

આપી શકું છું અડધામાંથી અડધું હું,

બસ ઈશ્વર કૃપા થકી જ આ શક્ય છે,

મુશ્કેલીનો ડર નથી મને હવે, ઈશ્વર મારે સાથ છે,

બસ ઈશ્વરની કૃપા થકી જ આ અહેસાસ થાય છે,

માગેલું તો મળે છે, પણ વણમાગ્યું પણ મળી જાય છે,

ઈશ્વરની કૃપા તો ક્યાં શબ્દોમાં વર્ણવી શકાય છે,

ઉત્તમ વિચારો મનમાં જન્મે છે રોજ,

આ ઈશ્વરની કૃપા થકી જ તો સઘળું થાય છે,

રહેવા માટે ઘર છે, ખાવા માટે અનાજ છે,

પહેરવા માટે કપડાં છે, તંદુરસ્ત શરીર છે,

પ્રેમાળ પરિવાર છે,

બસ ઈશ્વરની કૃપા થકી જ તો બધું શક્ય છે.