ઈન્દ્રધનુષ

ભાવોની મહેફિલે શબ્દ રંગ બની ઊડે છે,

પીડાની વ્યથા શબ્દ બની રંગ છલકે છે,

હૃદયના નીતરતાં ભાવોની ભૂલ શું છે ?

શબ્દ ભાવરંગી એમાં પણ વ્યથા મહેંકે છે,

બદલે ના ઊડેલ શબ્દ, ફેર સમજમાં છે,

શબ્દ તો ભાવ હતા, ભાવાર્થમાં ફેર છે,

શબ્દ ભ્રમ નથી આ મતલબ છે,

મોહની ભાષામાં પણ શબ્દને ખેદ છે,

કલમેથી નિતરતા શબ્દો માયાજાળ છે,

આભની અટારીએ સજેલ શણગાર છે,

લાગણી શણગારે એ શબ્દ અભેદ છે !

હોય જો શબ્દ ભાવભીના ઈશ્વર પણ કેદ છે.