હવે જામનગરમાં છું
હવે જામનગરમાં છું
મોજમાં છું મજામાં છું, હવે જામનગરમાં છું,
ન કોઈ રજામાં છું, હવે જામનગરમાં છું,
આવી ગયો પરત, આળોટી કુદરતના ખોળે,
નિજ ગૃહના છજામાં છું, હવે જામનગરમાં છું,
ફળ-ફૂલ-ડાળીઓ ઝાડનાં, રમાડતાં મન મારું,
દૂર થયાની લજ્જામાં છું, હવે જામનગરમાં છું,
અલગારી મારી દુનિયામાં ખૂબ છું આનંદમાં,
કયાં કોઈ સજામાં છું ? હવે જામનગરમાં છું,
આવી વિશાળ દુનિયામાં 'સાગર' હું નાનકડો,
નાનકડા પણ ગજામાં છું, હવે જામનગરમાં છું.