હું પુરુષ છું

જવાબદારી નીચે

લાખો 

સપનાં દફનાવીને બેઠો છું

 

હજારો તોફાનો મારા

અંદર સમાવીને બેઠો છું

કઠણ કાળજા સાથે 

મીણ જેવું હૃદય લઈને બેઠો છું

સમજુ છું પણ બોલી ના શકું

 એવી લાગણીઓ લઈને બેઠો છું,

સમુદ્ર છે મારી આંખોમાં પણ આંસુઓનો

પણ હોઠો પર સદા મુસ્કાન લઈને બેઠો છું

પિતા છું, પતિ છું, દીકરો છું આ બધા વચ્ચે

હું પણ એક માણસ છું એ ભૂલીને બેઠો છું,

ભૂલી જવું છે મારે ય બધું 

પણ પુરુષ છું એ યાદ રાખી બેઠો છું.