રહસ્ય

રહસ્યમય રસ્તો કેવો હશે ?

જિંદગી અને મોત વચ્ચેનો

એ ઝૂલો કેવો હશે ?

આગથી તપતો એ દેહ કેવો હશે ?

હજારોની વચ્ચે એકલો બેઠો ચિતા પર

એ ભડકો કેવો હશે ?

સ્મશાનમાં લાકડાં નહિ હોય

ત્યારે આગની ભઠ્ઠીમાં રાખ થયેલો

તારો દેહ કેવો હશે ?

જવું છે જે રસ્તે બધાને

જોયો નથી એ રસ્તો ક્યારેય

એ રહસ્યમય રસ્તો કેવો હશે ?

નથી લાવવાની વ્યવસ્થા

નથી લઈ જવાની વ્યવસ્થા

એ દાટવાનો ખાડો કેવો હશે ?

અંતમાં,

ચિંતા નહિ કર માનવી

જેવા તારા કર્મ

એ રસ્તો પણ એવો હશે,

જેણે જનમ્યા પહેલા તારી વ્યવસ્થા કરી દીધી

એ મર્યા પછી પણ તને એકલો નહિ મૂકે ક્યારેય

એ પરમકૃપાળુ પરમાત્મા કેવો હશે ?

પરમકૃપાળુ છે એ પરમાત્મા

જે મને રોજ નવી સવાર આપે છે

જે મને મર્યા પહેલા જીવાડવા રોજ મથે છે

માફ કરી દેજે મારી પ્રત્યેક ભૂલ ભગવાન

નથી ખબર મને રહસ્ય તારા સુધી પહોંચવાનો

એ રસ્તો કેવો હશે ?

નથી ઈચ્છા કોઈ મારી

તારી સમક્ષ ઊભી રહી એવી નથી કોઈ કક્ષા મારી

પણ મરતા પહેલા એકવાર મળવું છે મારે

બસ, આટલી અરજી છે મારી....

બસ, આટલી અરજી છે મારી.