હું હવે શું કરૂં?

દિલમાંથી તેની તસ્વીર હું દૂર ન કરૂં તો શું કરૂં ?

મારા દિલ ઉપર પથ્થર ન રાખું તો હું શું કરૂં ?

તે રમી રહી હતી મારી સાથે શતરંજની ચાલ,

હું તેને હવે નફરતની નજરે ન જોઉં તો શું કરૂં ?

આ દર્દની પીડા જીવનમાં ન સહું તો હું શું કરૂં ?

ગમગીનીના આંસુઓ હું વહાવું નહીં તો શું કરૂં ?

તેણે માંગી હતી ધન અને દોલતની અમીરાત,

તેની બેવફાઈની આગને હું ન સહું તો શું કરૂં ?

અંધકારમય જીવન હવે ન વિતાવું તો હું શું કરૂં ?

તેના વિરહને હમેશા ભૂલી ન જાઉં તો હું શું કરૂં ?

તેણે મારી સાથે કર્યો હતો મતલબી પ્રેમ "મુરલી",

મારા જીવનમાંથી તેને અલવિદા હું ન કરૂં તો શું કરૂં ?