लाइब्रेरी
प्रोफाइल
હશે
હશે
1 min
245
કોઈને શું ખબર કોણે શું ખોયું હશે..?
વાંસળી સાંભળીને કોઈ રોયું હશે !
મળે છે ઋણાનુબંધથી સંબંધો જીવનમાં,
ઈર્ષા ‘ને અહમથી કેટકેટલું ખોયું હશે..?
પૂછી લો પોતાનાં દિલને ઝંઝોળીને જરા,
રાતભર એ કોઈકનાં માટે રોયું હશે !
જિંદગી એક ગીત છે ગાવું પડશે એને,
સુરીલું કે બેસૂરું એ નક્કી ક્યાંક તો થયું હશે !
જીવી લો 'ચાહત'થી, કરી ગમતાંનો ગુલાલ,
કોને ખબર, અંતિમ ચરણ કોનું કેવું કેવું હશે…?
