ગરબાની જોડ
ગરબાની જોડ
આવ્યાં આવ્યાં નવલાં નોરતાં રે !
ગરબાની જોડ લઈને આવ્યાં રે,
નવ દિવસ આવ્યાં ભક્તિ કરવાને
બોલાવો રમઝટ રાસ ગરબાની રે !
શક્તિ દેજો મા ! તમે પૂરી કરજો આશ,
મા અંબાની વાત આલેખું શબ્દોમાં રે !
શૈલપુત્રી, બ્રહ્મચારિણી, સ્કંધમાતા, ચંદ્રઘંટા,
નવેનવ દિવસના સ્વરૂપ આનંદ આપનારા રે !
નવદુર્ગા માતના દરેક પ્રાગટ્ય ઉદ્દેશપૂર્ણ થયા રે,
રંગોની મહત્તા ને કાર્ય સિદ્ધિનો અલગ મહિમા રે !
ભક્તોની જામી છે ભીડ, દર્શન આપજો રે,
પ્રસાદ લઈ સૌ કૃતાર્થ થાય, સંતોષ આપજો રે,
રાસગરબા ગાઈને ભક્તિ ચરણે ધરું હું,
સુખ શાંતિ ને આરોગ્ય નિરોગી રાખજો રે !