એવું ન બને ?

ભમરા પ્રેમમાં પડે છે એવું કોણે કહ્યું

કળીઓની પહેલ હશે એવું ન બને ?

પરવાના જ બળીને પ્રેમ જાહેર કરે

શમ્માની નજરે બાળી જિંદગી એવું ન બને ?

આંખો ટકરાઈ ને મહોબ્બત થઈ

બંને એક દૂજે કે લીએ હશે એવું ન બને ?

હતાં સાથે ને વિખરાઈ ગયાં બંને

જન્મ જન્મની લેણદેણ જૂની હશે એવું ન બને ?

ભલે ગમે તે હોય યુગલ જિંદગીમાં બન્યું

સમજણ બંનેએ રાખી હોત તો એવું ન બને.

પ્રશ્ન ચિન્હને સાક્ષી રાખી કડીઓમાં બન્યું ઘણું

પ્રશ્નો ' આગ ' ન કરીએ તો સાર્થક જિંદગી તણું.

  - અરૂણ ગોંધલી, ' આગ ' (૦૩.૦૬.૨૦૨૫)