દરિયાને પાર

દરિયાને પાર ચાલ એક નવી દુનિયા રચી લઈએ,

સ્વાર્થી આ દુનિયાના સગપણ તોડી ક્ષિતિજે ભેગા મળીએ,

એક હું ને એક તું મળી પ્રેમનો નવો સંસાર લખીએ,

સ્નેહ, પ્રેમ ને વ્હાલનો દરિયો ઠાલવી માનવ નવો ઘડીએ,

પ્રભુની આ સૃષ્ટિ ચાલને ફરી જીવંત કરીએ,

પ્રેમની હોડી હંકારી દુનિયા આખી ભમીએ,

ઈશ્વરનો સંદેશો સૌ માનવ મનમાં ભરીએ,

દુષણો સૌ ખાખ કરી સદગુણોનું વાવેતર કરીએ,

પ્રભુની આ ધરા પર સાચા સુખનું આચમન કરીએ,

દરિયાને પાર ચાલને એક નવી જ દુનિયા રચીએ.