બોલ મમ્મી બોલ !

બોલ મમ્મી બોલ !

ઢિંગલી, લાડી નહીં કે'વાનું ,

કહેવું મુજને 'ડૉલ' !

બોલ મમ્મી બોલ !

મુજને કે'તી બાંધ ચોટલા

ને પોતે ખુલ્લા વાળમાં ફરતી !

''ડરવાનું નહીં'' મુજને કે'તી

ને પોતે ગરોળીઓથી ડરતી !

સંડે, મંડે રોજે તારે ઍફિસના બહું કામ !

ક્યારેક તો બતાડ મૉલ !

''જલ્દી ઘરે ફરવાનું મારે'' ને તારે સવા-બારે આવવાનું ?

ગરમ રોટલી છોડી મારે ઑવનમાં સેકીને જમવાનું !

આખ્ખો દિવસ ઓફિસ ઓફિસ !

ક્યારેક તો પાસે બેસી બોલ !