ફાગણનાં ફોરાની જેમ

કોઈ ફાગણનાં ફોરાંની જેમ-

તમે મળવા નૈ આવો મને કેમ ?

કોઈ ફાગણના ફોરાંની જેમ....

ઘૂઘવતા દરિયાની માંહ્ય એક નાવડી ને નાવડીમાં બેઠા છે સપના...

તમે દરિયાના મોજા થઈ ઊછળો છો કેમ ?

કોઈ ફાગણનાં ફોરાંની જેમ....

રેતીના તટ પર પડતા કઈ પગલાં ને પગલાંમાં સૂતા છે સપના..

તમે પગરવમાં મોતીડાં શોધો છો કેમ ?

કોઈ ફાગણનાં ફોરાંની જેમ....

વ્હાલભર્યાં ગાલ ઉપર પડતા ખાબોચિયા ને ખાબોચિયે છલકાતા નીર..

તમે છલકાતા નીર સાથે વહી આવો છો કેમ ?

કોઈ ફાગણના ફોરાંની જેમ.