બખડજંતર કર મા
બખડજંતર કર મા
1 min
404
હવે તો આડો આંક વળ્યો, બખડજંતર કર મા,
સાધુ થૈ શેતાન નીકળ્યો, બખડજંતર કર મા,
સારી રીતે રહેતા તને આવડ્યું ન જરાયે,
ગંધાતી ગટરમાં ઢળ્યો, બખડજંતર કર મા,
સામે ચાલીને ‘ભાઈ’ઓના પગ ચાટવા ગયો હતો,
ચીગમ જેવો તને ચગળ્યો, બખડજંતર કર મા,
ગયો હતો અંધારી ખાડમાં પ્રકાશિત થવા,
ઉજાશમાંયે ન ઝળહળ્યો, બખડજંતર કર મા,
‘સાગર’ તારાં કામોનો હિસાબ હવે થઈ ગયો,
પળે પળે તું ખૂબ બળ્યો, બખડજંતર કર મા.