ભક્તિરસ

તને દેવકીનો દુલારો કહું કે, માં જશોદાજીનો‌ જાયો;

નટખટ નંદકિશોર તું જ છે, મારા મનમંદિરનો પાયો,

કહું તને હું રણછોડ કે પછી, કહું તને હું માખણચોર;

શ્યામવર્ણી તું છેલ છબીલો, તું મારાં ચિત્તડાનો ચોર,

બાળગોપાલ કહું તને કે હવે, કહું તને હું મુરલીધર;

મનને લોભાવે લીલા તારી, જાણે તું મનનો માણીગર,

નરસૈંયાનો સ્વામી તું શામળો, મીરાંનો છે તું ગિરધર;

ભક્તોની શ્રદ્ધા એ રિઝતો,એવો તું મારો બંસીધર,

 

કામણગારા કા'ન તને, નતમસ્તક થઈ હું કરું પ્રણામ;

શરણે રાખો અમ‌ સહુને, કરો અમારું તમે કલ્યાણ.