ભ્રમણા

આગમનનો ક્યાં અણસાર હશે ?

ને એવી ભ્રમણા મનમાં બેસુમાર હશે !

બોલવાની ઘડીમાં ક્યાં પછડાટ હશે ?

ને આમ શ્વાસથી અધ્ધર શ્વાસ હશે !

ભીતર વમળોનું ક્યાં વંટોળ હશે ?

ને એ વાવાઝોડું બની ઘુમરાતું હશે !

વાત-વાતમાં ક્યાં શબ્દરમત હશે ?

ને આમ તું કોણ ? હું કોણ ? કરતું હશે !

સૂના સૂનકારાની ક્યાં નીરવતા હશે ?

પણ કહેવું કોને એની ખબરમાં સૂનું હશે !

ઉરની હેલોઓ ક્યાં જતી રહી હશે ?

ને એની પાછળ દોડતું મારું જો તન હશે !