બેનામ સંબંધ:
બેનામ સંબંધ:
બહુ છે બેતાબ આ લોચનીયાં સપના જોવા તમારા,
કોઈકવાર પધારોને પાંપણે ઝૂલવા એમને સંતોષવા !
સાજ- સાજીંદા, ગીત, ઢાળ, શબ્દો બધું જ છો તમે,
દુનિયા કહે સરસ હું લખું છું, કેમકે કેન્દ્રમાં તો છો તમે !
પ્રણય, વિરહ, ત્યાગ, બરબાદી શું આપું નામ સંબંધને ?
બધાં બદનામ- એટલે રહેવા દે ને બેનામ આ સંબંધને !
અલ્લડ હરકતો, લડાકુ ઉન્માદ, લાગણી વિસ્ફોટ છે હજી;
શૈશવની નાદાનિયત સમજું કે પછી અધૂરા ઈશ્કનો આવેશ ?
તમે આવો ને સૂકા હોઠ ભીનાં કરો માણો પછી મીઠાશ,
બેઝીઝક વરસ, તનની તરસ ને મનની પ્યાસ બંને બુઝાવ !