અંજની કાવ્ય

વાત તો લાગે છે સંગીન 

ઘૂંટી ઘૂંટી કરી રંગીન 

તો ય એ કેમ થયા ગમગીન ? 

ઉલટી પડી વાત !

રોજ રોજ જોતી'તી શમણાં 

રૂડા રૂપાળાં નાકે નમણાં 

લોચન લાલ ગુલાબી લમણાં 

કંથ ના કહ્યામાં ! 

ઊઠી સવારે જવું કચેરી 

હું વાળું ફળિયા ને શેરી 

ભૂંડી એમની પાંચશેરી 

હરવા ફરવાનું ?

પાડોશણ તો હરરોજ ફરે

ઘરવાળો ઘરનું કામ કરે 

ભલે ને વ્યાજનું વ્યાજ ભરે ?

ફરવાનું તો મળે ! 

વાત તો લાગે છે રંગીન

ઘૂંટી ઘૂંટી કરી સંગીન 

તો ય એ કેમ થયા ગમગીન ? 

કરે છે ને રમત !