તો માનું

શબ્દોને પાછા વાળી શકો તો માનું,

પછી એ લાગણી દાબી શકો તો માનું !

વાક્બાણોથી ઘવાય છે નાજુક દિલ,

ભાથું સમજણનું લાવી શકો તો માનું !

અભિમાન રૂપનું હોય છે સુંદરતાને,

પ્રતિબિંબ માંહ્યલાનું જોઈ શકો તો માનું !

ડૂબી જાય છે જહાજો અગાધ સમંદરમાં,

અહમ ખુદનો ડૂબાડી શકો તો માનું !

દાન કીધાં ખુબ તકતીઓ છપાવવાં,

કોઈ એક જઠરાગ્નિ ઓલવી શકો તો માનું !

લાગણી પ્રેમની અગત્યની છે જીવનમાં,

'ચાહત' કોઈ એવી કરી શકો તો માનું !