પિતા મારા પ્રથમ ગુરૂ
પિતા મારા પ્રથમ ગુરૂ
જીવનમાં એક ગુરુ છે જરૂરી;
જેમ હવા પાણી ખોરાક છે જરૂરી,
ગુરુ આપે જીવનનું જ્ઞાન;
ગુરુ અર્પે ઉચ્ચ સંસ્કાર,
ગુરુ આપે છે સાચી સમજ,
ગુરુ સીંચે છે પ્રેમ સિંચન,
ગુરુ શીખવે છે કડવાશમાં મીઠાશની તલાશ;
ગુરુ શીખવે છે દુઃખમાં પણ સ્મિતની સુવાસ,
ગુરુ સદગુણોનું સિંચન કરી, બનાવે બીજને ઘટાદાર વૃક્ષ;
વિરાન રણમાં પણ એ ખેલાવે છે પુષ્પ,
હિંમત હોશ અડગ વિશ્વાસથી,
સત્યની રાહ પર કેડી કંડારે છે,
મારા પ્રથમ ગુરુ મારા પિતા છે;
પાપા પગલી કરતા જેણે જીવનમાં દોડતા કર્યા,
એકલે હાથે માતા પિતાનો પ્રેમ આપ્યો
સંસ્કારનું સિંચન કરી ખીલતા કર્યા,
એકડે એકથી શરૂઆત કરી એમ,એસ,સી, કરાવ્યું;
સમાજમાં અલગ સ્થાન મારું નિર્મિત કરાવ્યું,
કોટી કોટી વંદન છે મારા પિતાને
કોટી કોટી પ્રણામ છે મારા પિતાને, ગુરુપૂર્ણિમા દિને.