મોકલું છું
મોકલું છું
વાળવા ચાહે જો નવોસવો અશ્રુ કેરો વરસાદ અનરાધાર,
એ વળતરનો જૂનો હિસાબી તાર મોકલું છું...
ખટકે નહીં કદીયે જીવનમાં તને ઓ મારાં હૃદયની ધાર,
'મુજ વીતી તુજ ન વીતે કદી' કુદરતનો એ સાર મોકલું છું..
વરસતી દરેક વાદલડી ન કરે આંખ્યું તારી ભીની મુજને કરીને યાદ,
ટપકતી એ દરેક વ્હાલ કેરી કિનાર મોકલું છું...
કંટક ચૂંટી પંખુડી ગુલાબની જ્યાં ત્યાં છે પાથરી તુજ મારગે,
રક્તધારથી ન ખરડાયેલ એ અણસાર મોકલું છું...
ન છેતરીશ મને સમજી અબૂધ કે મૂરખ, છું માઁ તારી, સરખામણી ન કર કોઈથી,
પછડાટ ન ખાઉં તું ક્યહીં, એવી જાજમનો આધાર મોકલું છું...
તોળી તોળીને બોલવું નથી શોભતું તને ઓ હૃદયેશ્વરી પ્રિયે,
સંબંધ માઁ દીકરીનો હૈયેથી સમજી વર્તે, એવો સ્નેહ અનરાધાર મોકલું છું.
છતાંયે જો ન પારખી જાણી તેં આજન્મે મને, કમનસીબી તારે તને,
ઋણ અદા કર્યું મેં તવ પિતાનું, રહે તું સલામત સદાયે, એ આશિષ અપાર મોકલું છું.