અલખ
અલખ
લખ તું હવે કઈક અલખ ને લગતું, ધખાવ તું ધૂણી જો ધખાવવી જ પડે તો,
જીવ ને તું લઈ જા હવે શીવની તરફ, ધરી લે ભેખ જો ધરવો જ પડે તો.
રહી જા તું હવે હરિ ના ધામમાં, જમાવ અડીંગો જો જમાવવો જ પડે તો,
કારણ ને છોડીને તું ચરણ ને પકડ, મૂકી દે બધી માયા જો મૂકવી જ પડે તો.
શ્વાસ ચાલે છે જેના થકી, એનો તું વિશ્વાસ કર, છોડી દે બધી શંકા જો છોડવી જ પડે તો,
ધનના બંધનથી તું થા હવે અળગો, થઈ જા અલગારી,જો થવું જ પડે તો.
અપૂર્ણ છોડી તું નિપુર્ણ ને પામી લે, આ રસ ને પણ તું ચાખી લે, જો ચાખવો જ પડે તો,
દુઃખી થવા કરતા ખુદી માં તું ભળી જા, મારી લે પલોઠી શાંતિથી, જો મારવી જ પડે તો.