અભાવ બોલે છે

હતાશા દર્દને પલળેલ પાપણથી વધારે શું?

મળે છે વારસામા એજ થાપણથી વધારે શું?

તમે નિર્દોષતા તો છીનવી લીધી બીચરાની,

અને આપી શક્યા છો ફક્ત શિક્ષણથી વધારે શુ?

એ રોઈ રોઈને સંપૂર્ણ સુકાઈ ગઈ અંતે,

સમયની આંખથી પામો તમે રણથી વધારે શુ?

તમે ભ્રમણામાં જીવો છો હકીકતને કદી જાણો,

જગત છે આંધળી આંખોના આંજણથી વધારે શું?

જરા અમથી સમસ્યાથી એ હિંમત હારી બેસે છે.

કહે 'મહેબુબ' આ યૌવનને ઘડપણથી વધારે શું?