આલતું જલાલતું

આલતું જલાલતું

એટલે કેવાય શું ?

અર્થની પાછળ જાઓ તો

કોઈને કેવાય શું?

અંતર મંતર... બખડજંતર

હોશમાં બોલાય શું ?

આવ તારું કરી નાખું

ખુલમખુલ્લું કેવાય શું ?

પ્રાણ જાયે વચન ન જાયે

વચન એવું કોઈને દેવાય શું ?

લટકાવેલા લીંબુ મરચા 

ઘેર લાવી ખવાય શું ?

ચાર રસ્તાના નારિયેળ લાયો

ઘેર આવી વધેરાય શું ?

કાળી ચૌદસના વડા ગરમ

ચોકડીએ ખવાય શું ?

ના કરવાનું કરીએ આપણ

કોઈ દી કરવાનું કામ કરાય શું ?

દિવ્યેશ કહે છે સ્મશાન આગળ

આવજો કહેવાય શું ?