తెలుగు కవన ప్రశస్తి ( గేయం )కవీశ్వర్ 23 .10. 2023

తెలుగు కవన ప్రశస్తి ( గేయం )

రచన : కవీశ్వర్ 

తేదీ : 23 .10. 2023 

పల్లవి : భరతమాత యందొదిగిన తెలుగు తల్లీ

       వినీల కవితాకాశాన వెల్లివిరిసిన కల్పవల్లీ 

       నిత్య నవ్యత కల్గిన కవన సజీవ సిరిమల్లీ 

       గత వైభవ స్మరణ చేసుకునే వి జ్ఞానవెల్లీ 

                              || భరత మాత ||

చరణం 1 : పోతన , తిక్కన, నన్నయ కవితా రసఝరి 

       త్యాగరాయ అన్నమయ్య కీర్తనల శరవణ మాధురి 

       భువన విజయ కీలక కవితా గోష్టి చర్చా సుమధురి 

      తెలుగు భాషకు కల్గిన ఉన్నత సోపానఅధిరోహణ సిరి 

                             || భరత మాత ||

చరణం2 : సెలయేరులా,సుమధుర వాహినీ గీత రచయితల కృషి 

        వాటికి సుస్వరాలనద్దిన కర్ణపేయ సంగీత రచనల నృషి

        గాత్రాన్నందించిన నేపథ్య గాయని గాయకుల అవిరళ కృషి

         శ్రోతల మనోల్లాస స్వరఝరి తన మన సంగీత భావనా రిషి  

                              || భరత మాత ||