మేఘసందేశం
మేఘసందేశం
వాన చినుకులు జత కలిశాయి
నేలను ముద్దాడనికి నింగి నుంచి కదిలాయి
అతిథిగా వచ్చిన వానమ్మకు నదులు ఉప్పొంగాయి
కొండ కోన తిరిగాయి వాగువంక పొంగాయి
పట్టణాలను చూడాలని పరవశించాయి
జల మట్టాలు పెరిగాయి గట్లు తెగాయి
వానకు వరద తోడై ఇల్లు ఊళ్ళు ముంచేశాయి
భూమాతకి వానభిషేకం చేస్తున్నాయి
గొడ్డు గోదా కొట్టుకుపోయి వానకు ముద్దైపోయి
దిక్కు లేని జనాల ఆర్తనాదాలు
దిక్కులు పిక్కటిల్లేలా మోగి పోతున్నాయి
ఇకనైనా చాలించమ్మా నీ పరవశం
కాస్తయినా కరుణించి దారి ఇయ్యవా ఓ మేఘం
ఉదయించే భానుడి తొలి కిరణం
ఆపాలి ఆ వరుణుడి గాయం
✍️ జ్యోతి మువ్వల.