స్థితి గతులు
స్థితి గతులు
ఎంత దారుణం కదా
కనపడని క్రిమి
కల్లోలం సృష్టిస్తు
ప్రపంచ స్థితి గతులను
తారుమారు చేసి
వున్న చోటే వుండమంటూ
గంజినీళ్ళైనా తాగి బతకమంటూ
ఎక్కడి వాళ్ళు అక్కడే గప్ చుప్
అంటూ సమస్తాన్ని
తన గుప్పిట్లో వుంచి
శాసిస్తున్నది కరోనా
తన మన ఇహ పర
బీద బిక్కి గొడ్డుగోద
జాలిదయ చూపక
కనపడితే కాటేసి
కాటికి పంపే దాకా
అంతు చూసి
మనిషి గర్వాన్ని అణుస్తున్నది
ఇదీ ఒక మేలుకొలుపేనని
ధైర్యం గుంజలు పాతి
ఆత్మస్థైర్యమనే దడి కట్టి
టీకాతో కరోనాను ఖతం చేద్దాం
మాస్క్ తో దూరం పాటించి
శుభ్రతతో జాగరూకత కలిగి
విడివిడిగా వుంటూ
కలివిడిగా పోరాడుదాం
అడుగు బయట పెట్టకనే
అందరూ నిశ్శబ్దయుద్ధం చేద్దాం
ఇంటికే పరిమితమయి
దుష్ట కరోనాను దరిచేరనీక ఆపుదాం