వస్తావా నేస్తమా

ఏమని చెప్పను

ఎందుకు నువ్వు నాతో మాటాడవంటే

ఏమని చెప్పను

ఎందుకు నువ్వు నన్ను అసహ్యించుకుంటావంటే

ఏమని చెప్పను

ఎందుకు నువ్వు నన్ను దూరం పెడుతున్నావంటే

విధి ఆడిన వింత నాటక ఫలితమనా

ఇతరులు సృష్టించిన పరిస్థితులనా

ఏమని చెప్పను అడిగే వాళ్ళకు

ఏమని చెప్పను నను చూసి నవ్వే వాళ్లకు

ఎలా నిరూపించను

నా తప్పు లేదని

నా కన్నీళ్లు మింగి నవ్వడం నేర్చుకున్నాను

నువ్వు నాకు సాయం చెయ్యకపోయినా

నాకు నేనుగా నిలబడడం నేర్చుకున్నాను

నలుగురూ చేసిన నిందలు నమ్మి

నువ్వు నా నుంచి దూరమైనా

నాకు ప్రతికూలంగా మాట్లాడినా

నే చిరునవ్వుతో స్వీకరించడం నేర్చుకున్నాను

Advertisement

ఓటమి పాలయినందుకు అందరూ ఎగతాళి చేసినా

ఆత్మ విశ్వాసంతో తిరిగి నిలబడ్డాను

అపజయాలెన్ని వచ్చినా

విజయం కోసం ప్రయత్నం చేయడం నేర్చుకున్నాను

నే నుంచి దూరం కాబడ్డప్పుడు పొందిన బాధ

నాలో మరొకరి బాధను అర్థం చేసుకునే తత్వాన్ని పెంచింది

సేవ చేసే లక్షణాన్ని కలిగించింది

కానీ ప్రియ నేస్తమా

నీవన్న మాటలు

అపార్థం చేసుకొని

నా నుండి జీవితాంతం దూరం అవుతానని చేసిన ప్రతిజ్ఞలు

నన్ను వెంటాడుతున్నాయి

పుండు పడిన చోట కారం చల్లినట్లు

లోకం నన్ను విమర్శిస్తోంది

కాలం మిగిల్చిన గాయం

నీ కౌగిలిలో ఒదిగి మానిపోవాలనుకుంటోంది

వస్తావా నేస్తమా

నీ మనసులో కాస్త చోటిస్తావా నేస్తమా