Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Sita Rambabu Chennuri

Drama


4  

Sita Rambabu Chennuri

Drama


మట్టి పరిమళం

మట్టి పరిమళం

1 min 285 1 min 285


వేకువను పేనుతున్న నిశ్శబ్దాన్ని 

ముక్కున కరచుకుందామని 

రెండు పక్షులు ప్రయత్నపు గూడు కడుతున్నాయి

వెచ్చదనపు కోరికలా 

చుట్టూ పలచబడుతున్న పుష్యమాసపుచలి

మౌనాన్ని పంచుతోంది


ఏకాంతపు వీణను మీటుతూ ఆహ్వానం పలికేందుకు

రాత్రి వదిలిన ముచ్చట్లమాలను ధరించింది కాలిబాట

మాటలరజాయి కప్పుకున్న మనుషులు 

గమ్యాన్ని వెతికే కాందిశీకుల్లా ఉన్నారు

పచ్చని కాంతిపంచే ఒంటిస్థంభమొకటి

ధ్యానాన్ని పోగేసుకున్న ఇంటిపెద్దలా ఉంది


చీకటికి వీడ్కోలు పలికే వేకువ మహాచిలిపిది

కూడికలు తీసివేతల కూడలిలా కవ్విస్తుంటుంది

కదిలే ప్రవాహమై కాసేపు ఉక్కిరిబిక్కిరి చేస్తుంది

అంతలోనే వెలుగు రేఖల ఊయలతో

కోయిలపాటవుతుంది

మంచుకడిగిన మట్టి పరిమళాన్ని కానుకిస్తుంది



Rate this content
Log in

More telugu poem from Sita Rambabu Chennuri

Similar telugu poem from Drama