కవ్వింపు

నా చూపులు కవ్వింపులు

నా మాటలు కవ్వింపులు

నా నవ్వులు కవ్వింపులు

నా నడకలు కవ్వింపులు

కర్మ , నా మౌనమూ కవ్వింపే

ఇంత కవ్వింత ఉందా నా ఒళ్లంతా

చూసే ఆ కళ్ళదా ఆ పైత్యమంతా

కావలి కాసే కళ్ళకి

ఇంట్లో అలంకారాన్ని

అనధికార అధికారాన్ని

గడవక గడపదాటిన

నా ఉనికిని చాటగా

ఆశగ ఎగిరినా

కబళించే కార్చిచ్చుకి

కవ్వింపుల కళేబరాన్ని

నీచపు చూపుల

పల్లికిలింపు మాటల

పాశవికపు చేష్టలను

పంట బిగువున భరిస్తూ

కాండ్రింపులు కనబడనివ్వని

నేనే

విధాత గీసిన సిసలైన కవ్వింపుని