ଧରନା କଙ୍କି

ବୁବୁଲା ଟୁବୁଲା ଆସ ଏଣିକି ,

ଛପି ଛପି ଆଉ ଧରନା କଙ୍କି ।

ଉଡ଼ି ବୁଲୁଛନ୍ତି ଆନନ୍ଦେ ଆସି ,

ଥକିଗଲେ ଟିକେ ଯାଆନ୍ତି ବସି ।

ଧରିନେଲେ ସିଏ ଭୋଗିବେ କଷ୍ଟ ,

ଜରିମଖା ଡେଣା ହୋଇବ ନଷ୍ଟ ।

କୁନି ପୋକ ଆଉ ମଶାଙ୍କୁ ଖାଇ ,

ଆମ ଉପକାର କରନ୍ତି ସେଇ ।

ସେମାନଙ୍କ ରଙ୍ଗ,ଖେଳ-କୌତୁକ,

ଦେଖି ପରା ଆମେ ପାଆନ୍ତି ସୁଖ ।

ପତଙ୍ଗ ସେମାନେ ନୁହେଁ ବଇରୀ ,

ତୁମ ଖୁସି ଲାଗି ନିଅନା ଧରି ।

ତାଙ୍କ ପ୍ରତି ତୁମେ ସଦୟ ହୁଅ ,

ସାଥୀମାନଙ୍କୁ ବି ବୁଝାଇ କୁହ ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।