ଟଙ୍କା

ବଦଳ ପ୍ରଥା ଟି ପୁରାତନ ଯୁଗେ 

ଥିଲା କିଣା ବିକା ପାଇଁ,

ଗୋଟିଏ ଜିନିଷ କିଣିବା ବଦଳେ

ଆନ ଜିନିଷକୁ ଦେଇ ।

 କଉଡ଼ି ଟିପୁଣି କିଣାବିକା ପାଇଁ

 ମାଧ୍ୟମପରେ ହୋଇଲା,

କଉଡ଼ି ପ୍ରଦାନେ ଆବଶ୍ୟକ ଦ୍ରବ୍ୟ

ଵିଧି ମତେ କିଣୁଥିଲା ।

ଏବେ ଟଙ୍କା ଅଟେ କିଣାବିକା ପାଇଁ

ପ୍ରଚଳିତସେ ମାଧ୍ୟମ,

ଟଙ୍କା ଟି ନଥିଲେଚଳିବା ଏଯୁଗେ

ନୁହଁଇ ପରା ସୁଗମ ।

ଟଙ୍କା ଯାର ଅଛି ଧନୀ ବ୍ୟକ୍ତି ସେଇ

ସମସ୍ତଙ୍କୁ କରେ ବଶ,

ଟଙ୍କା ବିହୁନରେ ଗରିବ ଲୋକଟି

ଖଟୁଥାଏ ମାସ ବର୍ଷ ।

ଟଙ୍କା ଅଧିକରେ ବିତ୍ତ ଶାଳୀ ବୋଲି

ତାହାକୁ ଯେ ଧରାଯାଏ,

ଦେଶ ରାଜ୍ୟଅବା ବ୍ୟକ୍ତି ହେଉ ସିଏ

ତା ପାଦେ ଜଗତ ନୁଏଁ ।

ଟଙ୍କା ଟି ନଥିଲେ ସଭିଙ୍କ ଆଖିରେ

ହତାଦର ହୋଇଥାନ୍ତି,

ଦୁଃଖରେ ତାହାର ଦିନ କଟିଥାଏ

ଟଙ୍କା କୁ ସେ ଝୁରୁଥାନ୍ତି ।

ଖଟି ଖଟି ଲୋକ ଦିନ କୁ ବିତାଏ

ଟଙ୍କା ଟିଏ ପାଇବାକୁ,

ବର୍ଷା ଖରା ଶୀତ କାକର କୁ ସହେ

ଉପାର୍ଜନ କରିବାକୁ ।

ଟଙ୍କା ର ମୂଲ୍ୟକୁ ବୁଝିଣ ସର୍ବଦା 

ସଦୁପଯୋଗ ତା କରି,

ସଞ୍ଚୟ କିଛି ଟା କରି ରଖିଥିଲେ

ବିପଦେ ବଳ ସେ ଭାରି ।

ଭାରତ ରେ ଆମ ଟଙ୍କା କୁହାଯାଏ

ୟୁରୋ ନାମ ୟୁରୋପ ରେ,

ଇଂଲାଣ୍ଡ ରେ ଅଟେ ପାଉଣ୍ଡ ତାନାମ

ଦେଶ ଭିନେ ନାମ ଧରେ ।

ନିଶା ପଶା ଆଦି ଖରାପ କର୍ମରେ

ଟଙ୍କାକୁ ନଷ୍ଟ,ନକରି,

ଟଙ୍କା ର ମୂଲ୍ୟ କୁ ବୁଝିବା ଆମେରେ

ସତ କର୍ମକୁ ଆବୋରି ।