ପ୍ରଣାମ ବାପୁଜୀ

ଅକ୍ଟୋବର ଦୁଇ ତାରିଖ ଆଜି

ବହୁ ସ୍ଥାନେ ହୁଏ ଉତ୍ସବ ଭୋଜି

ମହାତ୍ମା ଗାନ୍ଧୀଙ୍କ ଜନମ ଦିନ

ଭକ୍ତିରେ କରିବା ଆମେ ପାଳନ ।

ସତ୍ୟ ଅହିଂସାର ପ୍ରତୀକ ସିଏ

ଦେଶ ମାତୃକାର ସୁପୁତ୍ରଟିଏ

ତାଙ୍କ ନେତୃତ୍ବରେ ଭାରତବାସୀ

ଦେଶକୁ ସ୍ଵାଧୀନ କରିଲେ ମିଶି ।

କରନ୍ତି ଅନ୍ୟାୟ ମିଥ୍ୟା ବାରଣ

ସମୟାନୁବର୍ତ୍ତୀ ଗାନ୍ଧିଜୀ ଜାଣ

କହିବା ଆଗରୁ କରି ଦେଖାନ୍ତି

ହାତ କାମ ଶିଖ ସେ ପ୍ରବର୍ତ୍ତା'ନ୍ତି ।

ସଭିଙ୍କୁ କରନ୍ତି ବାପୁ ଆଦର

କରନ୍ତି ଜିନିଷ ସୁବ୍ୟବହାର

ବଞ୍ଚିବା ଶୈଳୀ ଯେ ସାଧାରଣ

ମନଛୁଆଁ ପରା ତାଙ୍କ ଭାଷଣ ।

ସିଏ ଚାହୁଁଥିଲେ ସ୍ୱଚ୍ଛ ଭାରତ

ଆଖପାଖ ସ୍ୱଚ୍ଛ ରଖିବା ନିତ୍ୟ

ମନରେ ରଖିବା ତାଙ୍କରି ବାଣୀ

ତାଙ୍କ ପରି ପିଲେ ହୁଅରେ ଗୁଣୀ ।

ମାନବ ସେବା ହିଁ ମାଧବ ସେବା

ତାଙ୍କ ଏହି ଧାଡ଼ି ମନେ ରଖିବା

ଈଶ୍ଵର ବିଶ୍ୱାସୀ ଗାନ୍ଧିଜୀ ଭାରି

ଜାତିର ଜନକ ସିଏ ଆମରି ।

ପିଲାମାନେ ଧୂପ ପ୍ରଦୀପ ଜାଳି

ଶିକ୍ଷାନୁଷ୍ଠାନରେ ପୂଜିବେ ମିଳି

ପୁଷ୍ପମାଲ୍ୟ ଫଟେ କରି ଅର୍ପଣ

କହିବା ବାପୁଜୀ ପ୍ରଣତି ଘେନ ।