ରେଶମୀ ଡୋର
ରେଶମୀ ଡୋର
ରାକ୍ଷୀ ନୁହେଁ ଭାଇ ରେଶମୀ ଡୋରଟେ
ସିଏ ମୋ ବିଶ୍ୱାସ ସୂତ୍ର
ଜୀବନ ଜାତକେ ଭାଇ ତୋର ନାମ
ଲେଖିଛନ୍ତି ଯେ ଇଶ୍ଵର ।
ମୋ ରେଶମୀ ରାକ୍ଷୀ ଖାଲି ରାକ୍ଷୀ ନୁହଁ
ସିଏ ଆମ ପ୍ରୀତି ଗାଥା
ଯେତେ ଦୂରେ ଥିଲେ ରାକ୍ଷୀ ପୂର୍ଣ୍ଣିମାରେ
ଖୋଜେ ତୋର ମିଠା କଥା ।
ରେଶମୀ ଡୋରଟି ଡୋର ନୁହେଁ ଖାଲି
ମମତାରେ ବନ୍ଧା ସେତୁ
ସେ ସେତୁ ଦିଅଇ ଅଶେଷ ଭରସା
କହେ ଜୀବନର ହେତୁ ।
ରେଶମୀ ଡୋରଟି ଡୋର ନୁହେଁ ଖାଲି
ଅନନ୍ୟ ସମ୍ପର୍କ ଗାଥା
ସ୍ନେହ ମମତାର ଶୁଭ ସଦିଚ୍ଛାର
ଅମ୍ଳାନ ସ୍ଵାକ୍ଷର କଥା ।
ରେଶମୀ ଡୋର ଟି ଡୋର ନୁହେଁ ଖାଲି
ସ୍ମୃତିର ଫରୁଆ ଟିଏ
ପ୍ରତି ବରଷର ରାକ୍ଷୀ ପୂର୍ଣ୍ଣିମାରେ
ସ୍ମୃତି ଚାରଣ କରାଯାଏ ।
ଭଉଣୀ ଭିଜଇ ସ୍କୃତି ବରଷାରେ
ରାକ୍ଷୀଟିକୁ ହାତେ ଧରି
ଭାଇ ଚାହିଁ ରହେ ତା ମନ ମନ୍ଦିରେ
ଆଶା ର ଆଲୋକ ଜାଳି ।
ଯେତେ ରାଗ ରୁଷା ମାନ ଅଭିମାନ
ରେଶମୀ ଡୋର ଛିଣ୍ଡାଏ
ମନର ମଇଳା ଧୋଇ ହୋଇ ଯାଏ
ଦୁଇଟି ନୟନ ନୀରେ ।
ରେଶମୀ ଡୋର ତ ଡୋର ନୁହେଁ ଖାଲି
ନିବିଡ଼ତା ସ୍ଵାକ୍ଷର ଟେ
ସମ୍ପର୍କ ସିଡିର ପ୍ରତି ପାହାଚର
ମଜ ଭୁତ ସ୍ତମ୍ଭ ଟିଏ ।
ଇଶ୍ଵର ଦତ୍ତ ଏ ସଂପର୍କର ସ୍ରୋତ
ସର୍ବଦା ଅମ୍ଳାନ ରହୁ
ଭାଇ ଭଉଣୀର ସଂପର୍କ ମହକେ
ଚୌହଦୀ ମହକୁ ଥାଉ ।