ବହିବନି ଜମା ରୋଷ

ମେଲାଣି ଦେଲେ ମୁଁ ଫେରିବି ଏଥର

ହୋଇଲାଣି ପରା ଡେରି ,

ଦେଖିନେବେ ଯଦି ସଖୀମାନେ ମୋତେ

ଏଇକ୍ଷଣି ଯିବେ ଘେରି ।

ପରିହାସ ଛଳେ କେତେ କେତେ କଥା

କହିବେ ସେ ଜଣ ଜଣ ,

ମୁହଁ ପୋତି ଖାଲି ଶୁଣିବି ମୁଁ ସିନା

ଉତ୍ତର ବା ଦେବି କ'ଣ !

ବାଟରେ ଘାଟରେ ଗାଧୁଆ ତୁଠରେ

କହିବେ ମରମ ବାଣୀ ,

ତୁମ ମୋ ଭିତରେ ଯେଉଁ ଭାବ ଅଛି

ଆନ ଲୋକ ଯିବେ ଜାଣି ।

ଯିବାଲାଗି ତେଣୁ ତରତର ହୁଏ

ଧରିବନି ମୋର ଦୋଷ ,

ସୁଯୋଗ ମିଳିଲେ ସଅଳ ମିଳିବା

ବହିବନି ଜମା ରୋଷ ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।