STORYMIRROR

Singh Dibakar

Romance

3  

Singh Dibakar

Romance

ଆ ଜହ୍ନରେ କରିବା ଘର

ଆ ଜହ୍ନରେ କରିବା ଘର

1 min
175



   ଅନେକ ପ୍ରତୀକ୍ଷାର ଅନ୍ତ ଘଟିଛି

   ମିଳି ଯାଇଛି ମାମୁଁ ଘର,

   ପୃଥିବୀ ମାଆଟି ଭଲ ଲାଗୁ ନାହିଁ

   ଆ ଜହ୍ନରେ କରିବା ଘର ।

    

   ଆସ ପ୍ରିୟା ମୋର ମଉଜ କରିବା

   ଜହ୍ନମାମୁଁ ଦେଶକୁ ଯାଇ,

   ଅଜାଙ୍କୁ ମାଗିବା ଜାଗାଟିଏ ସେଠି

   ମନା କରିବନି ମୋ ଆଈ ।

    

    ବିକ୍ରମ ଯାଇଛି ପ୍ରଜ୍ଞାନକୁ ଧରି

    ଜାଗା ଦେଖି ଦେବ ଖବର,

    ରୂପେଲି ଚାନ୍ଦରେ ଘରଟିଏ ତୋଳି

    ଲେଖିଦେବି ନାଁ ଟି ତୁମର ।  

    

    ଲାବଣ୍ୟବତୀ ମୋ ବିଳମ୍ବ କରନି

    ଦିନ କାଳ ସରି ଆସୁଛି,

    ଚଉଦ ଦିନ ରହି ବିକ୍ରମ ପ୍ରଜ୍ଞାନ

    ଫେରିତ ଆସିବ କହିଛି ।

    

    ମାଟି ଗଛ ଲତା ଜଳବାୟୁ କଥା

    ବୁଝି ନେବା ତାଙ୍କ ପାଖରୁ,

    ମର୍ତ୍ତ୍ୟ ଭୁବନର ମୋହ ମାୟା ସବୁ

    ପୋଛି ଦିଅ ତୁମ ମନରୁ । 

    

    ନିଜ ନିଜ ସ୍ଵାର୍ଥ ସଭିଏଁ ଦେଖନ୍ତି 

    ଏଠି କେହି ନୁହେଁ କାହାର,

  &nbs

p; ଚିହ୍ନ ବର୍ଣ୍ଣ ପୋଛି ଜହ୍ନରେ କରିବା 

    ଆନନ୍ଦରେ ଘର ସଂସାର । 

    

    ଟିକି ଟିକି କୋଟି ତାରା ଫୁଲ ନେଇ

    ଘରକୁ ଆମ ସଜାଇବା,

    ଜହ୍ନ ଆଲୁଅର ଶୀତଳ ପରଶେ

    ସ୍ବପ୍ନ ରାଇଜେ ହଜିଯିବା।

    

    ନ ଥିବ କିଛି ପ୍ରତିବନ୍ଧକ ତହିଁ

    ପକ୍ଷୀ ରାଜ ଚଢି ବୁଲିବା,

    ଦୁଃଖ ଅବଶୋଷ କ୍ଳାନ୍ତି ସବୁ ଭୁଲି

    ପ୍ରେମ ସାଗରରେ ବୁଡିବା।    

    

    ଫେରିବାନି ଆଉ ମର ଜଗତକୁ

    ରହିଥିବା କାଳ କାଳକୁ,

    ସରଗ ସୁଖକୁ ଭୋଗ ତ କରିବା

    ସର୍ବେ ଚାହିଁଥିବେ ଆମକୁ।

    

    ତୁମେ ଚୁପି ଚୁପି କଥା କହୁଥିବ

    ମୁଁ ହସୁଥିବି ଥିରି ଥିରି,

    ମୁଁ କହିଲେ ତୁମେ ଶୁଣୁଥିବ ସିନା

    ବସି ଯିବ ମନକୁ ମାରି ।

    

    କେତେ କଥା କହି ମନାଏ ତୁମକୁ

    ବୁଝି ଯାଏ ତୁମ ଇଶାରା,

    ପ୍ରେମ ମିଳନର ଗୀତ ଗାଇ ଯିବା

    ଜହ୍ନ ରହିବ ସାକ୍ଷୀ ପରା ।


Rate this content
Log in

Similar oriya poem from Romance