Library
Profile
ଚାନ୍ଦ ନା ତୁମେ ତାରା
ଚାନ୍ଦ ନା ତୁମେ ତାରା
ତୁମ ରୂପ ତୁମ ସୌନ୍ଦର୍ଯ୍ୟ
ମୋତେ ପାଗଳ କରିଛି ପରା
ତୁମ ହସ ହସ ମୁଖ
ହରାଇ ନିଏ ମୋ ଦୁଃଖ
ଆଗୋ ମୃଗ ନୟନୀ
ହେ ମୋ ଚନ୍ଦ୍ର ବଦନୀ
ସତେ କି ତୁମେ
ମୋ ପ୍ରେମ ପସରା
ତୁମ କଥା ଭାଳି ଭାଳି
ହୃଦୟେ ମୋ ଉଠେ
ପ୍ରେମର ଜୁଆର ପରା
କି ବର୍ଣ୍ଣିବି କି ବର୍ଣ୍ଣିବି
ତୁମ ରୂପ ଗୁଣ
କି ବର୍ଣ୍ଣିବି ତୁମ ଠାଣି ମାଣି ବାଣୀ
ଚାନ୍ଦ ନା ତୁମେ ତାରା ।
ତୁମର ସେ ଘନ କେଶ
ତୁମର ସେ ମୃଦୁ ହସ
ନାଚଇ ନୟନ ଯୁଗଳେ ମୋ'ର
ଇନ୍ଦ୍ରଧନୁର ସପ୍ତ ରଙ୍ଗେ ରଙ୍ଗାୟିତ
ସତେ କି ତୁମ ସେ ଆକର୍ଷିତ ଶରୀର
ତୁମକୁ ଗଢିଛି ଯେଉଁ ବିନ୍ଧାଣୀ
ନେଲା ସେ କେତେ ଦିନ ମାସ ବର୍ଷ ପୁଣି
ସତେ ଅବା ତୁମେ ସୌନ୍ଦର୍ଯ୍ୟର ଧାରା
ଧନ୍ୟା ହୋଇଛି ଏ ଧରା
ଝରଇ ପ୍ରେମର ବାରି ଅହରହ
ମୋ ହୃଦୟେ ତୁମ ଲାଗି ପରା
ଏ ହୃଦୟ ମୋ ଭାଳେ ବେଳେବେଳେ
ମୋ ପାଇଁ ଚାନ୍ଦ ନା ତୁମେ ତାରା ।
ପ୍ରେମର ନିର୍ଝରଣୀ ତୁମେ
ତୁମେ ଯେ ପ୍ରୀତିଲତା
ତୁମେ ମୋ ପାଇଁ ପ୍ରୀତି ପସରା
ତବ ଦୀପ୍ତିମୟ ସୌନ୍ଦର୍ଯ୍ୟରେ
ମୋ ତନୁ ମନେ ହୋଇଛି ପ୍ରେମ ଭରା
କେବେ ଦିଶ ମୋ ନୟନେ
ତୁମେ ସବୁଜ ବନାନୀ ରେ ଭରା
କେବେ ପୁଣି ଦୃଶ୍ୟମାନ ହୁଅ
ନୀଳ ସାଗର ସମ
ସୁନ୍ଦରୀ ପରୀଟିଏ ପରା
ଭ୍ରମିତ ଭ୍ରମର ସମ
ମତି ହୁଏ ମୋ'ର ଭ୍ରମ
ବୁଝି ମୁଁ ପାରେନା ସତେ
ଅପରୂପ ଲାବଣ୍ୟବତୀ
କିଏ ତୁମେ
ମୋ ଜୀବନର ନାୟିକା ନା ପ୍ରେମିକା
କିଏ ତୁମେ ହେ ଅପରୂପା
ତୁମେ କି ସରଗର ଅପସରା
କିଏ ତୁମେ ଚାନ୍ଦ ନା ତୁମେ ତାରା ।
