ପ୍ରକୃତି ଶୋଭା
ପ୍ରକୃତି ଶୋଭା
ଫେରିଛି ପୁଣି ଶୀତ
ପ୍ରତିବର୍ଷ ପରି ଆସିଛି
ପ୍ରକୃତି ରାଣୀ ଯେ ବୋହୁ ବେଶରେ
ମୁରୁକି ମୁରୁକି ହସୁଛି ।
ସବୁଜ ରଙ୍ଗର ଶାଢ଼ୀ ପିନ୍ଧିଅଛି
ଦେହରେ ବହୁ ରଙ୍ଗର ଛିଟ
ଓଢଣା ପାଇଁ ଯେ ଦେଇଛି ପ୍ରଭାତୁ
ଦିବାକର ନାଳୀରଙ୍ଗର କର ପାଟ ।
ଚମ୍ପା ,କନିଅର , ଜୁଇ ମାଳତୀରେ
ଚଉଦିଗ ମହକି ଉଠୁଛି
ଗଙ୍ଗଶିଉଳି ଟା ଲାଜେ ଲୁଚିରହି
ଅଭିମାନ କରି ବସିଛି ।
ହେନା ମାଳତୀର ସମ୍ଭାରେ ଦେଖ
ଶାଖା ଯେ ନଇଁ ଯାଉଛି
ଦେଖି ପୁଷ୍ପ ଭାର ମଧୂପ ଭଅଁର
ପାଗଳ ପ୍ରାୟ ହେଉଛି ।