ତୁମେ ଓ ମୁଁ

କିଛି କହିବି ମୁଁ

କିଛି କହିବ ତୁମେ

ଦୁହେଁ ବୁଝୁଥିବା ନୀରବତାର ଭାଷାରେ 

ସମୟ ଥିବ ଚୁପ୍ ଆଉ 

ଆଖି ଦୁହେଁ କୁହାକୁହି ହେବେ -

ଓଠ ଦୁଇ ଚୁପ୍ ଥିଲାବେଳେ

ହଜିଥିବ ଆମ ସ୍ମୃତି ଭିଜୁଥିବ ଆମ ଆଖି

ଅତୀତ ବଖାଣିବା ବେଳେ

ମୁଁ ବାଚାଳ ପାଲଟୁ ଥିବି 

ପ୍ରତିଥର ଭଳି ପାଗେଳି କହି 

ତମେ ଚିଡଉ ଥିବ

ମୁଁ ରାଗୁଥିବି, ଋଷୁଥିବି ଉପରେ ଉପରେ 

କୋଳେଇ ନେଇ ଛୋଟ ପିଲାଟେପରି 

ପରୀ ରାଇଜର କାହାଣୀ ଶୁଣେଇବ 

ଧୋ ବାଇଆ ଗୀତ ଗାଇ ଶୁଆଇ ଦବ

ତମ କୋଳରେ ସାରା ଜୀବନର

ଦୁଃଖ ଢାଳିଦେବି

ପୁଣି ଥରେ ମୋ ଅସମ୍ପୂର୍ଣ୍ଣ ଜୀବନକୁ

ପୁରା କରିଦେବି 

ଦୁହେଁ ବସିଥିବା ଫୁଲର ଦୋଳିରେ

ପବନ ସାଥେ ଗୀତ ଗାଇ

ମେଘ ସାଥେ ହସିଖେଳି

ଜୀବନକୁ ଆମେ ବିଦାୟ ଦେବା ।