ରାତିର ଦୁଃଖ

ଖୁସି ଗୋଟେ ଦିନର

ଆଖି ଭିଜା ଲୁହର 

ଓଠ ଧାରେ ହସର 

କିଏ ଆନ୍କି ଥିଲା ଇନ୍ଦ୍ର ଧନୁ

କିଏ ଦେଇଥିଲା ଛିଟା ଧଳାରେ କଳା ଗାରର ।

କାହାଣୀ ଏକ ନାୟକର 

କାହାଣୀ ଏକ ନାୟିକାର

ଚଢେଇ ଦୁହେଁ ମୁକ୍ତ ପଞ୍ଜୁରୀର

ଗଳ୍ପ ତାଙ୍କ ସ୍ଵଳ୍ପ ଜୀବନର

ହସକୁ ସେ ଆପଣାର କଲେ ବୋଲି

ନଜର୍ ଲାଗିଲା ବୁଢି ଅସୁରୁଣୀର ।

ଲେଖା ଗୋଟେ କବିର

କାଳି ତା ରକ୍ତ କଣିକାର

ଭାଷା ତା ହ୍ରୁଦୟର 

କେବେ ଲେଖେ ସେ ଏନ୍ତୁଡି ଶାଳରୁ ତ

କେବେ ଗାଏ ସେ ଜୀବନ ସ୍ତୋତ୍ର ମଶାଣୀ ଭୂଇଁର ।

ସମୟ ତା ଦରିଦ୍ର ଜୀବନର

ପେଟ ଭୋକର,ଭାତ ଗୋଟିର

ଆନ୍ଜୁଳାଏ ପାଣିର

ଜୀବନଠୁ ସେ ଲୁଚିଯାଏ ସିନା

ସମୟ ସହ ନିଇତି ଖେଳେ ଖେଳ ବାଘ ବଜାରୀର ।

କଥା ବୁଢୀ ଅସୁରୁଣୀର

ଜୀବନ ତା ସାତତାଳ ପଙ୍କ ଫରୁଆ ଭିତରେ

ଜାଳେ କାହା ଜୀବନ ଚୁଲି ଭିତରେ

ହାଡ ଖାଏ ମାଂସ ଖାଏ

କାଳ ଯେବେ ବସେ ତା ଘର ଦୁଆରେ

ଭୂଲ୍ ଠିକ୍ ର ଅନ୍କ କଷେ ବସି ଦୁନିଆ ଆଗରେ ।

ଗପ 'ତୁ' ଆଉ 'ମୁଁ ' ର

କେବେ 'ତୁ' ଋଷିଗଲେ ଭୂଲ୍ 'ମୁଁ'ର

କେବେ 'ମୁଁ' ଋଷିଗଲେ ଭୂଲ୍ 'ତୁ' ର

ଯଦି ଦୁହେଁ ଋଷିଗଲେ 

ସମୟ ହିସାବ ମାଗେ ଜୀବନ ତମାମ୍ ର ।