ପିଲାବେଳ

କୋଉଠୁ ଆରମ୍ଭ କରିବି 

ଏନ୍ତୁଡି ଶାଳରୁ ନା ଗାଁ ନଇ ଗଡିଆରୁ

ଝିପ୍ ଝିପ୍ ବରଷା ପାଣିର ଶୁଅରେ

ଡଙ୍ଗାରେ ଭସେଇ ଦେଲି ମୋ ପିଲା ଦିନକୁ 

ସରିଗଲା କଙ୍କି ଧରା 

ବନିଶିରେ ମାଛ ଧରା

ବେଙ୍ଗୁଲି ରାଣୀର ସାଥେ 

ଲୁଚିଥିଲି ଛତୁ ଛତା ତଳେ 

ଠୁକୁଠୁକୁ ମୋ ଚାଲିର ପାଦ ଚିହ୍ନ କୁ 

ଆଜି ଖୋଜେ ବସି ଚୋରା ବାଲିରେ 

ହଜେଇ ଦେଇଚି ସେ ଦିନ

ରହିଜାଇଚି ଚିହ୍ନ 

ଆଜି ଈର୍ଷା ଲାଗେ ସେ ପିଲାବେଳ

ସାଙ୍ଗ ସାଥି ବୋହୂ ଚୋରି ଖେଳ

ଆକାଶରେ ଗୁଡିଉଡା

ନଟେଇରେ ଶୁତା ଭିଡା

ଆଜି ମନେ ପଡେ ଭାରି -

ହେଲେ ମୁଁ ଦେଇଚି

ମୋ ପିଲାବେଳର ଠିକଣା ହଜେଇ ।।