நூலகம்
சுயவிவரம்
ପାଗଳ ପ୍ରେମୀ
ପାଗଳ ପ୍ରେମୀ
1 min
191
ତୁମେ କୁମୁଦିନୀ ଚିର ବିରହିଣୀ
ଅତୃପ୍ତ ଆତ୍ମାର ଗୀତି
ତୁମକୁ କେବେ ଲୋ ମଳୟ ଛୁଇଁନି
ଛୁଇଁନାହିଁ ପ୍ରଜାପତି I
ତୁମ ପ୍ରେମପାଇଁ କେତେ ଯେ ଭ୍ରମର
ବୁଲନ୍ତି ପାଗଳ ପ୍ରାୟେ
ତୁମପାଇଁ ନିତି ନିରୋଳା ରାତିରେ
ଶେଫାଳୀ ମହକୁ ଥାଏ I
ଯେଉଁଆଡେ ଚାହେଁ ସେଆଡେ ଲୋ ସଖୀ
ଦିଶିଯାଏ ତୁମ ରୂପ
ଲାଗେ ମୋତେ ଅବା କହୁଛି କେ ମୋତେ
ପରି ରାଇଜର ଗପ I'll
ତୁମପାଇଁ ସଖୀ ମନ ତଳେ ମୋର
ଅକୁହା ପୁଲକ ଜାଗେ
ତୁମରି ପ୍ରେମରେ ଉବୁଟୁବୁ ପ୍ରାଣ
ତୁମଠୁ ତୁମକୁ ମାଗେ I
ଜାଣିଥାଅ ସଖୀ ତୁମ ମହକରେ
ମହକୁ ଥାଏ ମୁଁ ନିତି
ଆଖି ବୁଜିଦେଲେ ତୁମେ ଏକାଥାଅ
ଭିଜୁଥାଏ ବର୍ଷାରାତି I
ଛମ ଛମ ସ୍ୱରେ ଗୀତପଦେ ଗାଇ
ବର୍ଷା ହୋଇ ଯାଅ ଝରି
ଶୁଖିଲା ଭୂଇଁରେ ଜୀବନ ସଂଚାରି
ସବୁଜିମା ଦିଅ ଭରି I
