நூலகம்
சுயவிவரம்
ପ୍ରଣୟ ସ୍ମୃତି
ପ୍ରଣୟ ସ୍ମୃତି
1 min
212
ସେଦିନର କଥା ସେତିକି ଥାଉ ଗୋ
ସେଦିନର କଥା ସେତିକି ଥାଉ
ନୟନୁଁ ଲୋତକ ଢାଳିଢାଳି ସଖି!
ହୃଦୟ ଜାଳନା ଥରେ ଆଉ
ଦେହ ଠାରୁ ଦେହ ଦୂରେଇ ଥାଉ ଗୋ
ମନର ମିଳନ ସଦା ରହୁ
ଜହ୍ନ ଠାରୁ କଇଁ ନଥାଏ କି ଦୂରେ
ପୀରତି ଉଜୁଡ଼େ କେ ବା କାହୁଁ
ଲୁହକୁ ନକର ଲହୁ
ନିରବେ ନିଃଶବ୍ଦେ ତୁମ ରୂପ ଛବି ନିଶି ଦିନ ନିତି ଭାସିଯାଉ l
ଯାହାର ତାହାର ଯେ ଯେବେ ଯେଉଁଠି
ଥାଉ ପଛେ ଥାଉ ଥାଉ ସଖି!
ମାଟିକୁ ଆକାଶ ଚୁମେ ନାହିଁ କିବା
ଦିଗବଳୟ ପାଖେ ପାଖେ ରଖି
ପତ୍ର ପଡ଼ିଥିଲେ ଗଛଠୁଁ ଦୂରରେ
ଜାଣି କି ନ ହେବ କହ ଦେଖି
କାହାର ସେ ଅବା କି ନାମ ତାହାର
ଠିକଣା ରହେକି କେବେ ବାକି
ମନ କଥା ମନେ ଥାଉ
ପ୍ରଣୟ ବିଭୋର ପରାଣ ସଙ୍ଗୀତ ମୂର୍ଚ୍ଛନା ତୋଳୁ ତୋଳୁ
