ଆସିବ ଗୋ ସଖି, ଆସିବ

ରାଣ ଅଛି ସଖି ଆସିବ ଗୋ ତୁମେ ଆସିବ

ଆକାଶରେ ଜହ୍ନ ହସିଦେଲେ ସଖି

ମନ୍ଥର ଗତିରେ ଆସିବ l

ଜୋଛନାରେ ଯେବେ ଭିଜିବ ଗୋ ସଖି ଭିଜିବ

ମଳୟ ପବନ ଦକ୍ଷିଣ ଦିଗରୁ

ସୁଲୁସୁଲୁ ହେଇ ବହୁଥିବ l

ଦୋହଲି ଦୋହଲି ଚାଲୁଥିବ ସଖି ଚାଲୁଥିବ

ଝୁଣ୍ଟିଆର ଶବ୍ଦ ମୂର୍ଚ୍ଛନା ତୋଳି

ଚାଲିରେ ଫୁଲ ଫୁଟୁଥିବ l

ଦେହ ଲୋଡ଼େ ଖାଲି ଦେହର ପରଶ

ମିଠା କଥା ଓଠୁ ମିଠା କଥା

ନୀରବେ ନିଶବ୍ଦେ ନିର୍ଜନେ କେବଳ

ରଖିଅଛି ଖାଲି ବିରହ ବ୍ୟଥା ।

ଗୀତରେ ଗୀତରେ ଗାଉଅଛି ସଖି ଗାଉଅଛି 

ଯୋଡୁଅଛି ଖାଲି ପ୍ରଣୟର ଛନ୍ଦ

ମଧୁର ଝଙ୍କାର ତୋଳୁଅଛି l