ରଜ ଦୋଳି

ଆସ ଲୋ ବଉଳ ଆସ

ଆସ ଆସ ସଇ ଆସ ସଙ୍ଗାତ

ଆସ ସଙ୍ଗାତ ଲୋ ସଜବାଜ ହୋଇ ଆସ ।

ବନସ୍ତେ ଡାକିଲା ଗଜ

ଆସି ପହଞ୍ଚିଲା ପରବ ରଜ

ପରବ ରଜ ଲୋ ଆସ ହେବା ସଜବାଜ।

ପାଦରେ ସରୁ ଅଳତା

ଲଗାଇବା ହୋଇ ଅମରମତା

ଅମରମତା ଲୋ ବେଶ ହେବା ଜଗଜ୍ଜିତା ।

ଟିପି ଟିପି ହେବା ମୁହଁ

ଦେଖିଲେ ଲାଗିବ ବଡ ସେନେହ

ବଡ ସେନେହ ଲୋ ହସୁଥିବା ଟହଟହ ।

ରଜପାନ ଖାଉଥିବା

ରଜଦୋଳି ଗୀତ ଆସ ଗାଇବା

ଆସ ଗାଇବା ଲୋ ଦୋଳିରେ ପହଞ୍ଚୁଥିବା ।

ବନ୍ଧା ହୋଇଅଛି ଦୋଳି

ରଜରେ ଖେଳିବା ହୋଇଣ ମେଳି

ହୋଇଣ ମେଳି ଲୋ ଗାଇ ଗୀତ ରଜଦୋଳି।

ବରଷକେ ଏ ପରବ

ଆସିଛି ଏ ପରା ଆମ ଗରବ

ଆମ ଗରବ ଲୋ ଏ ଆମ ଗଣପରବ ।