श्रावण ( अभंग रचना )
श्रावण ( अभंग रचना )
हिरवळ नवी I पांघरे धरती ॥
शालूच नेसती | श्रावणात ॥१॥
मेघुटते नभ I पडे रिमझीम ॥
दव चमचम I रानोमाळी ॥२॥
नववधू हर्षे | मुऱ्हाळी नेईल ॥
माहेरी जाईल I पंचमिला ॥३॥
तुफान सागरा | शांत तो होण्याला ॥
वाहे नारळाला I पौर्णिमेत ॥४॥
सर्जा राजा माझा l जीव आणि प्राण ॥
बळीराजा शान | बैलपोळा ॥ ५॥
सण संस्कृतीची | रेलचेल पहा ॥
आनंदात राहा | श्रावणात ॥ ६॥
मराठी महिना | अधिक असतो ॥
वेगळा भासतो I हा श्रावण ॥७॥
डोळ्याची पारणे I निसर्ग फेडतो |
माती उमलतो | हा श्रावण ॥८॥
ऊन पावसाचा | खेळ सदा चाले ॥
इंद्रधनू आले I आकाशात ॥ ९ ॥
किशोर सांगतो | बाहेर हो निघा ॥
जवळून बघा I हा श्रावण ॥ १०॥