आजची स्त्री कशी असावी
आजची स्त्री कशी असावी
तू एक आजची स्त्री ,कुणाची लेक,कुणाची सून तर कुणाची भगिनी...
कुणाची सखी, कुणाची आई तर कुणाची सहचारिणी !
आधीची बाळबोध अबला 'ती 'अन आताची कणखर सबला 'तू'...
मिळविण्या आत्मसन्मान ,झगड तू न ठेऊन कसलाच किंतु !
आजची तू ,हो कधी प्रेमिका,बरसू दे तूझी माया अन ममता...
आहेस जरी तू शूर पण कायमच असुदे तुझ्यात नम्रता !
आजची तू, करावास त्याग कुटुंबी, नेहमीच देऊन त्यांना प्रेरणा ...
कायमच देऊन आदर मोठ्यांना,असावीस तू सदैव अन्नपूर्णा !
आदरातिथ्यात तुझ्या असु दे आपुलकी अन वागण्यात सात्विकता ...
सदैव हो तू ,कुटुंबाकरीता स्फूर्ती अन मिळवावीस प्रेमभरी शांतता !
कधी घे तू, कठोर निर्णय होऊन खंबीर अन तडफदार ...
कधी विचारी होऊन दे, इतरांना स्फूर्ती अन आधार !
जेंव्हा होशील हळवी अन लपविशी आपुल्याच वेदना...
चैतन्यात डुंबूनि उधळ तू ,कधीतरी स्वतःच्याच भावना !
कधी होऊन रसिक, लिही तू दिलखुलास संवादांची ओळ...
कधी गुंफ तू, काव्य चारोळी बांधुनि शब्दफुलांची मोळं !
परंपरा अन संस्कृती चा आदर करुनि मिळव तू दाद अन वाहवा...
झालाच अन्याय तर लढा दे,हो रणरागिणी- न करुनि कुणाचीच पर्वा !
कधी हो तू शांत ज्योत, कधी प्रखर तेज अन ऊर्जा...
तडफदार साहस अन निडरतेने लढ तू ,बनुनी बहाद्दूर नीरजा !
झेप घेऊन जिंक तू नवनव्या प्रगतीची क्षितिजे अन हो स्वावलंबी...
निर्भयतेच्या पंखात आहे बळ तुझ्या, नको होऊ तू परावलंबी !
कधी हो हिरकणी तू ,आपुल्या बाळासाठी मातृत्वाच्या प्रेमाकरिता...
कधी हो तू धगधगती सौदामिनी, चिंगारी हो समानतेकरता !
उच्च शिक्षणात तरबेज हो ,नसेल तुजला कुठलेच अगम्य क्षेत्र....
असंख्य आव्हाने पेलण्या अष्टपैलू नेतृत्व असे तुझे दुधारी शस्त्र !
उत्तश्रूंखुल स्वैर धिंगाणा नको घालू तू स्त्री मुक्तीच्या नावाने...
कितीही बरोबरी केलीस तरी जगायचंय तुला काही मर्यादांने !
आदर कर तू दुसऱ्या स्त्रीचा,जप तिचीही सुरक्षितता...
मागून मिळत नसतो आत्मसन्मान,कमवावा लागतो स्वतःकरता !
आजची स्त्री तू ,नाही दुर्बल कर प्रतिकार अत्याचाराचा...
पाहुनी प्रचंड क्षमता तुझी,सन्मान होईल तुझ्या आत्मनिर्भरतेचा !
तुझ्या आत्मनिर्भरतेचा !