अधुरे प्रेम
अधुरे प्रेम
--------------------------
ढग दाटूनी धुंद बरसलास,
केलीस ना आठवणींची बरसात ...
दाटलेल्या स्मृती ओघळल्या क्षणात...
स्मृतींच्या वादळात कुठे हरवलास !
बघुनी प्रणयी जीवांचे मोहक हावभाव,
आठवणी छळती मला मनःचक्षुपुढे...
नको छळू स्वप्नात येऊनी यापुढे...
समोर उभा ठाक सोडूनी अहंभाव !
वादळी रात्र होती ती मेघगर्जनेची..
चिंब आसुसून बुडाल्या मनलहरी,
कल्पनेतही ना उमजली यातना कल्लोळाची...
रेखाटलेल्या भावनांच्या सरीवर सरी !
अवचित तुजला पाहूनी दुसरीच्या मिठीत,मनावर उमटला वियोगाचा ओरखडा...
साद देऊनी तिच्या प्रेमाला, नको जाऊ देऊ विश्वासाला तडा !