आई

आई घे मले पदरात

आलो तुझ्या उदरात

कसा राहु सोडुन तुले

सांग मले या जगात ll१ll   

     जरा आयकून घ्या तुमी

     मायेच्या प्रेमाची गोट

     सोता राहुन उपाशी

     भरे लेकराच पोट ll२ll

सुखदु:खात लेकराच्या

रात रातं ती जागते

पोरं लोटे जरी दुर तरी

त्यांच सुखच मागते ll३ll

   

    ती करे समुद्राले गोड

     तिच्या नावाचा गोडवा

     तिनं शिजवलं अन्न

     जसा उसाचा खोडवा ll४ll

जग म्हणते अमृत

तिच्या दुधाच्या चवीले

तिले पाहुन सुचते

नव्या कल्पना कवीले ll५ll   

     माय माउलीच्या कथा

     किती जगात मुरल्या

     माय संपली तरीबी

     तिच्या आठोनी उरल्या ll६ll