જિંદગી
જિંદગી
અભાવ, અસુખ, પરિશ્રમ ને
કસોટીઓ વચ્ચે,
અડધી અધૂરી ઈચ્છાઓ,
અંધબિડેલી આંખે જોયેલ શમણાં,
કાચી પાકી ઊંઘ ને
સતત દોડતા ન થાકતું મન..
નિષ્ફળતાને જીરવી..
ક્ષૃતાતુર ભૂખ્યા પેટ માટે,
ગરમ ગરમ ઊતારેલા રોટલા..
એમાંથી ઉડતી સોડમથી
ખેંચાઈ આવતાં...
સતત એ કસોટી કર્યા કરે..
પરિક્ષા પાર વગરની..
પાર ઉતરવાની ઈચ્છાઓ,
અને દોડતી હાંફતી..
સતત અભાવો ને આભાસી સુખો વચ્ચે
જીદે ચડેલી જિંદગી...
તારી ..મારી....આપણી..!