Harshida Dipak

Abstract Inspirational Others


4  

Harshida Dipak

Abstract Inspirational Others


મેહુલો ઘેરાયો

મેહુલો ઘેરાયો

1 min 13.3K 1 min 13.3K

દૂર દૂરના દેશાવરથી એક વાયરો વાયો,

ભીની વાદલડીને ઓઢી આયો રે ભૈ આયો...!

આ મેહુલો ઘેરાયો...!


સૂક્કા ખેતર વચ્ચે બેઠો કણબી કેવું મલકે,

ઊંચે આભે દેખી આંખ્યું ઝીણું ઝીણું છલકે,

ઓણુંકા આ લાડકડીએ રાગ મલ્હારી ગાયો...!

આ મેહુલો ઘેરાયો...!


જેઠ ઝાપટાં, અષાઢ ઘુમ્મર, શ્રાવણીયાની ઝરમર,

લીલુડી ઓઢણિયું ઓઢી પનેતરમાં ફરફર,

દાંડી પડતાં ઢોલ ઉપર આ દલડે નાદ છવાયો...!

આ મેહુલો ઘેરાયો...!


પંચમ સૂરે સૂર છેડતી શરણાયું આ ગૂંજે,

નાના - મોટા હૈયે ટાઢક મીઠી મીઠી સર્જે,

અંબરથી વરસી મેહુલો ધરતી લગ પથરાયો...!

આ મેહુલો ઘેરાયો...!


Rate this content
Originality
Flow
Language
Cover Design